Мэдээллийн аюулгүй байдлын багц сургалт зохиох

Сургалт нь манай компаний консалтинг, зөвлөгөөний үйл ажиллагааны нэг чухал хэсэг юм. Байгууллагуудын МАБ-ын хүрээнд үүсэж буй тодорхой асуудлуудыг шийдэх нь манай тактикийн зорилго болохын зэрэгцээ олон түмэн, байгууллагын ажиллагсдын мэдээллийн аюулгүй байдлын ойлголт мэдлэгийг дээшлүүлэх, чадварыг нь дээшлүүлэх, туршлагажуулах стратеги зорилгыг бид өмнөө тавьдаг. Ажиллагсдын МАБ-ын ойлголт мэдлэг байхгүй бол МАБ хангагдахгүй, удирдлага хэрэгжихгүй, дэг мөрдөгдөхгүй, эрсдлүүд ихэссээр байх болно.

МАБ-ын үйл явцад мэдээллийн нөөцтэй харьцаж буй бүх ажилтнуудыг – “захирлаа эхлээд цэвэрлэгч хүртэл” татан оролцуулах, тэдний хүлээх үүрэг, хариуцлагыг ухамсарлуулан ойлгуулах нь аюулгүй байдлын удирдлагын үндсэн зарчим юм. Мэдээлэлтэй харьцаж буй аль нэг ажилтан ойлголтгүй байх, сургалтын хөтөлбөргүй байх нь удирдлагын тогтолцооны үр нөлөөгүй байдал, МАБ-ын эрсдэл ихсэхийн нэг үндсэн шалтгаан болдог.

МАБ-ын ойлголттой хэдхэн хүн нь Мэдээллийн Аюулгүй Байдлын удирдлагын тогтолцоог (МАБУТ) хэрэгжүүлж чадахгүй. Байгууллагын бүх ажилтан тодорхой ойлголт мэдлэгтэй, сэдэл, тэмүүлэлтэй, мэдээлэлтэй харилцах, боловсруулах, хамгаалах дадал, туршлагатай байсан тохиолдолд л МАБУТ хэрэгждэг.
Бид аливаа байгууллагын захиалгаар сургалтын семинар, хамтын сургалт, нарийн мэргэшсэн сургалтыг зохион байгуулах үйлчилгээг санал болгож байна. Сургалтыг дүүргэсэн ажилтнуудад СХЗҮТ-тэй хамтарсан гэрчилгээ олгоно.

Семинар, сургалтын сэдвийг доороос үзнэ үү. Сургалтын төлөвлөгөөг “ССС” ХХК-ийн мэргэжилтнүүд боловсруулсан болно:

• IS001 - МАБ-ын үндэс (Удирдах ажилтнуудад зориулсан).
  Энэ сургалт нь 2-4 цагийн багц семинараас бүрдэх 32 цагийн хөтөлбөртэй ба МАБ-ын удирдлагыг зохион байгуулах талаар байгууллагын удирдах ажилтнуудын ойлголт, мэдлэгийг дээшлүүлэх зорилготой.
• IS003 - Сүлжээний аюулгүй байдлын удирдлага
  Энэ сургалт нь 48 цагийн хөтөлбөртэй ба Сүлжээний архитектур, зохион байгуулалт, аюулгүй байдлын шийдлүүд, бүрдэл хэсэг, хэрэгслүүдийн талаар үндсэн мэдлэгийг олгох зориулалттай. Найдвартай сүлжээ, систем төлөвлөж, хэрэгжүүлэх, сүлжээгээ сайжруулах гэж буй байгууллагын систем администратор, техникийн ажилтан, менежерүүд зориулагдсан.
• Цахим бизнесийн сургалт
  Орчин үеийн цахим бизнесийн хөгжлийн хандлага, шийдэл, цахим бизнес амжилттэй эрхлэх онол практикийн мэдлэгийг агуулсан сургалт. Та дэлхийн түвшний хамгийн орчин үеийн мэдлэгийг 10 дахин бага үнээр Монголдоо эзэмшинэ. Уг сургалтаар Цахим бизнесийн ойлголт, удирдлага, хөгжүүлэх үе шат, технологи, хууль зүйн асуудал, маркетинг, програм хангамж, интерактив харилцаа, e-SCM, ERP, e-CRM, интернет технологи, мэдээллийн аюулгүй байдлын удирдлага, төлбөр тооцоо, цахим бизнесийн хөгжлийн ирээдүйн хандлагыг зааж сургана.
• Төр хувийн хэвшлийн түншлэлийн сургалт
  Төрийн болон нутгийн удирдлагын байгууллагын байгууллагууд хөрөнгө оруулалт дутагдалтай нөхцөл нийгэмд шаардлагатай төрөл бүрийн обьектийг хувийн хэвшлийн түншлэлийн зарчмаар, Монгол Улсын концессийн тухай хуулийг баримтлан барьж байгуулах, нийгэмд шаардлагатай үйлчилгээг бий болгоход шаардагдах үндсэн мэдлэг, гэрээ байгуулах, гэрээг удирдах суурь чадвар олгох.
• Компьютерийн аюулгүй зохистой хэрэглээний сургалт
  Та компьютерийнхаа хэрэглэгч төдийгүй засварчин нь болж, өөрийн мэдээлэл, өгөгдлөө бүрэн бүтэн, нууцлалтай, халдашгүй байдлаар боловсруулж чаддаг болохыг хүсэж байна уу.Манай компани Монголд анх удаа Компьютерийн Аюулгүй Хэрэглээний тогтмол сургалт зохион байгуулж байна. Энэ сургалтын бусдаас ялгаатай давуу тал нь компьютерийн хэрэглэгч төдийгүй засварчин болгодогт оршино. Суралцагч бүрт хамгийн чухал програм, зааварчлагууд бүхий DVD өгнө.
• Хүсэлт захиалгаар лог файл, мэдээллийн шинжилгээ, этикал хакингийн сургалт
  

Та сургалтын хуваарьтай танилцаж сургалтанд хамрагдах өргөдөлийг бөглөж info@sssmn.com хаягаар илгээж болно.

                                              Эсвэл энд дарж сургалтанд онлайнаар бүртгүүлж болно.

Өргөдөл татаж авах